بسم الله اللي ما غيره ابدا ترتيب القيفاني
امام الامير العادل اللي دكره ما يخفاني
عنوانه رمز الكرامه حفيد معزي له هاني
عبدالعزيز اخو نورة يعرف فعله بالميداني
وانته مثل النهر الجاري يروى منه اللي ظمياني
لانك من بيت الشهامة هدا ديدنكم من داني
انتم حكام الجزيرة واهل النخوة واهل العاني
وانتم ميزان العدالة وانتم مزبان للجاني
وانتم عزيتم دين الله في ماضي غبر الأزمان
وانتم ولاة امر المسلم واهل الهيبة واهل الشان
وانته شرفت اسم الدولة شرفك الله بالايمان
وانته طيب واصلك طيب طيبك من طيب الجدان
لو امدح منا لا بكرة ما اوفي حقك مهما كان
وانا جيتك والله اني شاكي اللوعة من زمان
جيتك سواة اللي جو لك اشتكي لك من ديان
ما هو ديان الملية سميه ديان ثاني
ويراقبني باقصى الحارة لين ادخل على ورعان
ثم علق بوري بالشارع وازعجني وازعج جيراني
والى جيته يمسك جيبي وانا ما عندي طفراني
اشكي لله ثم اشكي لك من دين جوره جزاني
وانا مالي بيت بين مالي بيت ولا مسكان
اسكن حارة واترك حارة وانقل عفشي مع عرباني
الرحالة بن بطوطة شبيه له في ما جاني
والموتر وارد عراوي رمز دايم للفقراني
وظروفي مشكاها لله ياااااااكثر همومي واحزاني
تكفى تكفى تكفى تكفى تكفى تكفى لا تنساني
الله لا يحرمك الجنة قاله خادمك الشيباني
للشاعر الفطري / فالح الشيباني في شاعر المليون
نسال الله ان يرزقنا من واسع فضله وان لا يوقفنا بباب احد نطلب منه مال او شيء من تفاهات الدنيا
ونسال الله العافية والسلامة
والقصيدة رائعة لو انها خلت من طلب الدنيا لكانت لها شـأن ادبي رائع لان المسألة تزري بصاحبها ولكن قد يكون للشخص ظروف احوجته لغيره من البشر .
اللهم اغننا عمن اغنيته عنا .
ليست هناك تعليقات:
إرسال تعليق